கொரோனா தடுப்பு மருந்து அனைவருக்கும் சென்றடைய நீண்டகாலம் ஆகும் - உலக சுகாதார அமைப்பு..

கொரோனாவால் ஏற்பட்டுள்ள பாதிப்புகள் அடுத்த பல ஆண்டுகளுக்கு நீடிக்கும் என உலக சுகாதார அமைப்பு கவலை தெரிவித்துள்ளது.

ஜெனீவாவில் உள்ள அந்த அமைப்பின் தலைமையகத்தில் அவசர ஆலோசனைக் கூட்டம் உலக சுகாதார அமைப்பின் தலைவர் டெட்ரோஸ் அதனோம் தலைமையில் நடைபெற்றது.

இதில் பேசிய அவர், கொரோனா குறித்த அறிவியல் பூர்வமான பல கேள்விகளுக்கு இன்னும் விடை கிடைக்கவில்லை என தெரிவித்தார்.

இதுவரை இல்லாத வேகத்தில் தடுப்பு மருந்தை கண்டுபிடித்தாலும், அந்த மருந்து அனைவருக்கும் சென்றடைய வெகு காலம் ஆகும் என்றும், அதுவரை கொரோனாவோடு வாழ்ந்து கொண்டே அதனுடன் போராட வேண்டும் என்றும் டெட்ரோஸ் கூறினார்.